Hamlet 的个人资料وجع دماغ照片日志列表更多  |  工具 帮助 |
|
|
12月12日 معلش ...أخنا بتبهدلمعلش أحنا بنتبهدلعندما تعمل فى شركة متعددة الجنسات ومع بشر من مشارق الأرض ومغاربها تتاح لك أن تتعرف بعادات وتقاليد شعوب لم تراها من قبل فالسويسريون مثلا مثل ساعتهم فى غاية الدقه والألمان كالماكينات لا يكلون لكنهم لا يفكرون كثيرا والطليان ..زولاد نكته ويحبون الصوت العالى لكن لا يهملون عملهم كثيرا هذا ما سوف تعتقده عن الجنسيات الأخرى ولكن ماذا يعتقد هولاء عنا هم ببساطه يؤمنون أننا نتكلم كثيرا دون أن نفعل شىء مما نقول ....وأننا ندعى قدرات ليست لنا ونزعم القدره على فعل أشياء لن نفعلها ما حيينا واننا فتقد القدره على الحوار الهادىء والمنطقى ,ان معظمنا لا يجيد العمل فى مجموعة أو فريق ,وأخر الأفتكاسات التى أبتدعها أحد ألألمان السخفاء فى فريق العمل أنه يعرف أن المصريون جميعا من فئه (أى بى أم)أى يتبعون قاعدة أنشاء الله.......بكره .....معلش)وان هذه الكلمات هى ماتحكم حياتنا أليوميه هكذا يرانا الأخرون......فهل نحن حقا كذلك؟ 11月12日 عشان أنت مصرىعشان انت مصرى
عشان انت مصرى لازم تعانى وتفقد كرامتك بكل المعانى وتحرق فى دمك سنين مش ثوانى واوعى تصدق كلام الاغانى بتاع الحضاره وكانى ومانى ده كله هجايص مايدخل ودانى عشان انت مصرى العذاب بيناديك بتبدا فى يومك حاجات بترازيك فى نومك فى قومك تعكنن عليك تضايقك ولسه العماص فى عينيك مافيش ميه تشطف صابونه فى ايديك وجسمك ملزق وريحتك عاديك فتلبس وتنزل وفيك اللى فيك ورايح لشغلك حتحتاج مواصله ادى المترو واقف وكهربته فاصله وفى الميكروباص خناقه وحاصله اوتوبيس فرامله عايزالها وصله وتوك توك ده تايه ومحتاج لبوصله بتوصل لشغلك بدم اتحرق فى زحمه وكتمه وحر وعرق رئيسك سايبلك كومه ورق ده غير دمغه ضايعه وملف اتسرق وفى كام مواطن عامللك قلق بيشكى تقول له روح اندعق وعركه وهوجه وشاى اندلق ومخك خلاص من الصداع اتفلق هترجع لبيتك ده لو كان فى بيت هتوصل هتندم ياريتك ماجيت مراتك بتصرخ خلاص استويت عيالك بتطلب وهات كيت وكيت تزعق تهاتى ياناس اتهريت ولاحد سامعك مهما هاتيت عشان انت مصرى وده للاسف فلازم تاسى تعيش تتقرف وكل الاساسى فى حياتك ترف فتنسى الكرامه وتنسى الشرف وتسرق وتنصب او تنحرف ودمعك بيجرى وجرحك نزف مش انت اللى مصرى؟؟؟ جتك القرف هذا ما وصلنى على الأيميل أمس رغم طرافة الأبيات ومأساويتها فى نفس الوقت إلا أنى لاحظت زيادة عدد الأشعار الساخرة سواءبالفصحى أو بالعامية التى تسخر من حالنا وتندد بظالمينا وكأن المصريون قرروا أن ينفسوا عن حالتهم بكتابة الأشعار ......بس ياعالم يا هوووووووو مافيش طريقة تانية نقول بيها لأ 2月5日 ده شعب فقرى -أحمد فؤاد نجمأحمد فؤاد نجم
*دا شعب فقرى
*** نظرا لأن النعمة فاقت حدها ولأننا مش قدها ولأن فعلا انجازاتك فوق طاقتنا نعدها ولأننا غرقنا في جمايل مستحيل حنردها نستحلفك ....... نسترحمك نستعطفك .......نستكرمك ترحمنا من طلعة جنابك حبتين عايزين نجرب خلقة تانية ولو يومين اسمع بقى إحنا زهقنا من النعيم ونفسنا في يومين شقا عايزين نجرب الاضطهاد ونعوم ونغرق في الفساد بيني وبينك حضرتك دا شعب فقرى مايستحقش جنتك أنا عارفه شعب ماينفعوش إلا شارون وبلير وبوش عايز يجرب الامتهان ويعيش عميل للأمريكان بيمد "غازه" لإسرائيل ويومين كمان ويمد نيل أهو يعنى نشرب ميه واحدة ندوب في بعض ماء وماء وماء ونفض سيرة الانتماء وبلاها نعرة وطنطنة تبقى البلاد "مستوطنة " (متسلطنة بالسرطنة ) إيه اللي خدناه م الكرامة والإباء حبة خطب وكلام...كلام إحنا راهننا على النظام ورضينا بخيار السلام بخيارحنسد عين الشمس بيه علشان مايطلعش النهار ويطلع لمين؟ حبة معارضة مغرضين؟ وحسب بيان السلطة شلة مأجورين؟ ياعم فضك سيرة وارضى بقسمتك دا شعب مش فاهم أكيد يالا اطرده من رحمتك وإن كنت غاوي الحكم خليك مطرحك حاغطس واقب وأعود بشعب يريحك راضى وعمره مايجرحك أخرس ومايسمعش وأعميلك عينيه مش كل قرش يبص فيه مايقولش لأه، وفين، وليه يضرب ينفض في السليم وعلى الصراط المستقيم كل اللي يعرف ينطقه عاش الزعيم 10月10日 هم يضحكيا أمة ضحكت من جهلها الأمم
لى صديق يعمل فى أحد دور النشر المهتمة بكتب التراث عادى وكثيرا ما تشارك الدار فى معارض الكتاب التى تقام فى جميع الدول العربية برضه عادى وكثيرا ما تقوم السلطات فى تلك المعارض العربية بمنع بعض الكتب لكل دار نشر حسب أسلوب تلك الدولة فى القمع الفكرى الذى لا يخلو منه دولة عربية وده كمان عادى(يعنى أتعودنا) 0 المثير للسخرية أنه فى أحد المعارض فى ليبيا قامت السلطات بمنع كتابين من كتب تلك الدار وكان الكتابان من أبعد الكتب عن المنع وهما كتاب مفاتيح الفرج (وهو كتاب للأدعية النبوية)0 والأخر هو كتاب (السيف البتار للرد على الكفار) وهو كتاب قديم من القرن الرابع الهجرى يرد على أنتقادات المشركين للدين الأسلامى يعنى الكتابين لاهم سياسة ولا مذهب دينى متطرف ولا حاجة تضايق الأخ العقيد فى الجماهيرية وعندما أندهشت الدار وسألت عن السبب كان الرد المعجز الموجز الذى ماأنزل الله به من سلطان الكتاب الأول أسمه مفاتيح الفرج وده معنا ه أن ليبيا فيها كرب والناس محتاجه مفاتيح عشان الفرج وده مش ممكن يحصل فى عهد سيادة القائد الدنيا عندنا كلها فرج وذى الفل والكتاب التانى أسمه السيف البتار ورغم أن الكتاب قديم لكن الدولة تمنع أى كتاب عن الأسلحة لا سيف ولا بندقية !!!!!!!؟ والله ده اللى حصل بجد مش بذمتكم هم يبكى وهم يضحك 10月1日 الفاجومى
9月19日 الرئيس فى رمضانبمناسبة قرب دخول شهر رمضان يذكركم السيد الرئيس حسنى مبارك بأهمية صلة الرحم وخصوصا لأولاد عمكم فى العزيزة أسرائيل --------------------  وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 وكله عشان خاطر عيونك يا جمال ياأبنى 9月2日 عليا الحرنكش يا ريس مباركيا ريس مبارك يا عم أحمد فؤاد نجم أنت مش حتحرم أبدا ...سجن وأتسجنت.....سحل وأتسحلت......جوع وجعت ....ولسه فيك نفس تتكلم بحرية وتفضح الحكام منك لله ياشيخ ....خليت منظرنا قدام نفسنا وحش أوى بس أحنا معاك ......قول.....أهو! أضعف الأيمان
عليا الحرنكش يا ريس مبارك في عصر مزركش ملون بنارك لابايعك وأبايع حكومة حمارك ملعون أبو اللي يقدر يقاطع قرارك نهاره مقندل وليله مبارك فهمبك وهجص وطلع في عيننا أكيد هيا طالعة تشاهد جمالك جمالك مبارك سوزانك سوزاننا يامحلى حصارك لمصر اللي جالنا نسيمها في عصرك بيشوي في بدنا أؤيد وأبايع فخامة جلالتك وأيد أي واحد بيمسح ريالتك ولأنك سر باتع هاننسى هبالتك حمامة السلام حمامتك ياريس سلامة الحمامة وسلامتك يا ريس ياريس حمامة ياريس كويس على تل مصر ياريتك تهيص خرابة فسيحة عليها متيس وأأمر تطاع فشعبك مفيص أحمد فؤاد نجم 7月13日 البحث عن ثورةما السبب فى قيام الثورات ؟ما الذى يجعل شعبا أو شخصا يغضب ويثور ويهزم جلاده ليس الظام فى حد ذاته ...كثيرا ما تعرضنا للظلم ولم نثر ما يجعا الأنسان يثور هو الأحساس بالظلم ....الشعور بالقهر أن لم تشعر لن تثور ...أن لم تحس لن تغضب فمتى نشعر متى نحس .....لا أدرى ربما ليست الثورة طريقا نسلكه...ربما هو قدرا قد يفرض علينا أولا يفرض النكته التالية من مدونة نهى وأخواتها الريس عايز يزود شعبيته فقال لرئيس الوزراء يعلي الأسعار فالناس تتضايق يقوم هو ينزلها، فعلا رئيس الوزراء زود الأسعار، بس الناس ما اتكلمتش، عادي خالص، الريس استغرب قوي، وقاله: طب خلي الضرايب على المرتبات خمسين للمية. زود رئيس الوزراء الضرايب خمسين فى المية، الناس هزت دماغها وسكتت. الريس اتجنن وقال لرئيس الوزرا بص، طلع أي قرار غشيم من عندك يخلي البلد تولع، رئيس الوزرا عمل ضريبة اللي يعدي كوبري يدفع عشرة جنيه، الناس نفخت و ضربت كف بكف ودفعوا، فقام رئيس الوزرا خلى اللي يعدي يدفع عشرة جنيه وهو طالع، وعشرة جنيه وهو نازل من الناحية التانية، الناس قالت اللهم طولك يا روح و أمرنا لله و دفعوا. رئيس الوزرا كبرت فى دماغه، وأمر إن اللي يعدي بعد ما يدفع عشرة جنيه، و هو خارج من الكوبري ياخد على قفاه و نزل الريس بنفسه متنكر يتابع الموقف، الناس تدفع وهية طالعة الكوبري عشرة جنيه، و عشرة جنيه و هية نازلة و تاخد على قفاها وتمشي، شوية و لقى واحد بيزعق و متضايق، وطى على ودنه قال له "مالك؟" قال له "حاجة تقرف! أنا متعطل هنا بقالي خمس ساعات..ما ينفعش كدة ..لازم يزودوا الناس اللي بتدينا على قفانا!!!!!!!!" 7月12日 حد يعرف ليههذه ملحوظات صغيرة أرسلها لى صديقى العزيز محمود نجم أحببت أن أشاركم بها ليه لما نيجى نمشى فى المطر لظروف إستثنائية بنروح رافعين أكتافنا لفوق ؟ هاتعمل إيه يعنى ليه لما نحس إن إحنا دخلنا طريق غلط وإحنا سايقين العربية بنخفض صوت الكاسيت أو راديو السيارة ليه لما بتكون بطارية الريموت شبه فاضية بنضغط على الزراير جامد ليه لما حد بيهادينا قلم جديد .. أول حاجة وإحنا بنجربه بنكتب إسمنا ليه بنقول هدية مجانية ..؟ مش المفروض إن الهدية تكون مجانية ليه لما نكون جوه المنزل والسماء بتمطر بنسأل هو الجو بيمطر بره ؟ هى عمرها مطرت جوه ليه لما واحد يقولنا خلى بالك الحائط لسه الطلاء مانشفش مانصدقوش ونمد صباعنا نتأكد ليه الخدمة بتكون سريعة لما المطعم يكون مزدحم أكتر من لما يكون نص نص ليه لما الواحد بيركن السيارة فى موقف فاضى اللى جاى وراك بيركن جنبك ليه دايما لما حد بيجري يلحق الأتوبيس تلاقيه مبتسم أو بيضحك ليه بنفتكر إن لما ندوس على زرار الأسانسير كتير هاييجى بسرعة ؟ أو مثلا ليه لو واحد جه بعديك وأنت مستنى الأسانسير بيدوس على زرار الأسانسير ولا كأنك موجود ليه وإحنا بنأكل الطفل الصغير فى فمه بالملعقة بنفتح فمنا ليه دايما عندنا إستعداد تام إننا نصدق أى حد بيكلمنا فى ودانا .. بيوشوشنا ليه لما بنتصل بالتليفون دايما النمر الغلط مابتكونش مشغولة ؟ وليه دايما لوحة أرقام التليفون أو الموبايل بتكون عكس لوحة أرقام الآلة الحاسبة أو حتى أرقام الكيبورد ليه لما بنصحى من النوم دايما بنحس إن كمية النوم ناقصها عشر دقايق ليه الشخص اللى بيشخر وهو نايم دايما بينام الأول 7月10日 فزورة؟!؟دول كلمتين كتبهن عمنا أحمد فؤاد نجم فى يومين ضنك ذى اللى أحنا عايشنهم يا ترى مين الندل؟؟؟ ترسل الأجابات الى القصر الجمهورى بعابدين الأولة.. آه.. والغدر وقت أتحكم صبح الأمان بقشيش. ـ والتانية.. آه.. الندل لما احتكم يقدر ولا يعفيش. ـ والتالتة.. آه.. والحر مهما اتحكم للندل ما يوطيش 7月8日 جيمى حايتجوز يارجالةبمناسبة خطوبة جيمى ابن بابا حسنى مبارك كتب شاعرنا الكبير احمد فؤاد نجم هذه القصيدة العظيمة تعبيرا عن جموع الشعب المصرى مبروك يا عريسنا يا أبو شنّه ورنّه يا واخدنا وراثه أطلب واتمنى وأخرج من جنه أدخل على جنه مش فارقة معانا ولا هارية بدنا ولا تاعبه قلوبنا ولا فاقعة بيضاتنا يا عريس الدولة أفرح وأتهنى ما أحناش كارهينك لكن هارشينك ح تكمل دينك وتطلع دينّا !! |
|
|
